Bøger af P. Ylade

Sa isa ka barrio may tatlo ka mga mag-abyan nga paga-amiguhon ang bag-ong abot nga bata. Sila nga apat may ara sang mga nagkalain-lain nga mga inagyan, klase sang kabuhi, kag pamatasan, apang ang ila pag-abyanay palareho nga pagatilawan sang isa ka ka makakulugmat nga hitabu.Sa alagyan pakadto sa ila eskwelahan nagatindug ang isa ka bakante nga balay nga nalabyan na sang tiempo. Diri magalibot ang kabuhi sang mga mag-abyan kung sa diin ang ila kadungulan makapukaw sang isa ka tinuga nga madugay na nga gakatulog.Inde gani sila kasarang sang iban nga mga bata nga nagadaug-daug sa ila, masarangan ayhan nila ang tinuga nga mas gamhanan pa? Ang ini nga libro maga-libut sa pag-amiguhay sang mga bata, mga personal nila nga mga bagyo, sa eskwelahan man kag balay. Paga-istoryahan man ang mga huring-huring sang mga katigulangan, mga pagpati, kag mga makahaladlukan nga superstisyon nga hasta subong nagapabilin sa moderno nga pangabuhi sang mga Ilonggo. Ang libro may sulod nga 172 ka mga pahina, kag angay gid sa mga manugbasa nga may edad 13 pataas.